TUGANIRE: Ubuhemu no Kwikora mu Nda ku Nyungu za Politike

Ikaze bakunzi b'ibiganiro bya Radio Iteme. Turi taliki 4 Nyakanga 2020 (4 July 2020) muri kumwe na Emerance Kayijuka mu kiganiro TUGANIRE.

Umutumirwa wacu mukuru Bwana Prosper Bamara.

UBUHEMU NO KWIKORA MU NDA KU NYUNGU ZA POLITIKE BIRIHO KANDI BYAHOZEHO MU RWANDA, BIGOMBA GUCIKA.

Umutumirwa wacu azatuganiriza ku buryo abagore bakoreshwa nk'ibitambo ku nyungu za politike kuva na kera. Yifashishije ubushakashatsi bwakozwe kuva kera, azadusesengurira k'uburyo inkuru z'amateka y'u Rwanda atari umwihariko kuko tuyasanga mu bindi bice bigize umugabane w'lsi.

Azakomeza ikiganiro adusangiza ku makuru arebana n'Ingoma Kalinga kugirango tumenye ukuri ndetse tunasobanukirwe n'iby'iyi ngoma. Kuriyi ngingo. azadusangiza kubyo ubushakashatsi bwakozwe n'abanyarwanda ndetse n'abanyamahanga buvuga ku moko gakondo y'abanyarwanda.

Arasoza ikiganiro atwereka ko abanyarwanda dushobora kuba dupfa ubusa cyangwa se dupfa ibyo tudasobanukiwe neza.

Azanatugira inama y'uburyo twakwitwara mu rugamba rw'impinduka duharanira zigamije guca burundu umuco wo kumena amaraso y'inzirakarengane ndetse n'abantu muri rusange.

Mushobora kudukurikira Live kuri: YouTube Radio Iteme no kuri +1.516.387.1547

Mwatwandikira kandi kuri: tuganiretwesehamwe@gmail.com